Cantiga ao Apostolo Santiago do romeiro Manuel Maria

¡Ouh Santiago Zebedeo: estou diante o teu altar,

veño onda ti de romeiro cos laios do meu laiar!

¡Santiago, meu padroeiro!

¡Veño eiquí a Compostela e traio, señor, por don

o caravel dun ensoño ardendo no corazón...!

¡Santiago, meu padroeiro!

¡Tira de min a soidade, déixame limpo de dor

e acende na miña alma o lume dun nidio amor!

¡Santiago, meu padroeiro!

¡Ouh Santiago Zebedeo, tírame deste trolleiro,

que viñen a Compostela co meu amor de romeiro!

¡Santiago, meu padroeiro!

Manuel María: "Cantiga do romeiro", en Poemas a Compostela, Santiago de Compostela, 2004, p. 63.